يونيو 21, 2024

جريدة الحياة نيوز

رئيس مجلس الادارة : نسرين رمزي

“الحياه محطات” بقلم وسام الهندي

الحياه محطات …
محطات فاتت عديت عليها وكل محطه فيهم اتعلمت عليها حاجه وغيرت فيك حاجه ….وفى لسا محطات جايه بردوا هنعدى عليها ممكن توجعنا وممكن تفرحنا بس الاكيد اننا بنعدى على المحطات دى مش بمزاجنا…لكن إللى بمزاجنا فعلا هو رد فعلنا أنت بتختار أو بتحاول تسيطر على رد فعلك فى المحطه….بس من أول المشوار أحيانا تقابل محطات صعبة تلاقيها للأسف بتحط عليك وأنت بمنتهى الصبر بتحاول تقاوم وتتماسك وتتفاعل

….بس أحيانا تسرقك السكينة وتلاقيك داخل من محطة متعبة لمحطة مرهقة لمحطة محبطة وفجأة تلاقى نفسك في نص الطريق كأنك غرست في طين لغايه منتصف رجلك …لا أنت عارف تمشى فى الطين ده ولا أنت قادر تشيل رجلك منه…

والحقيقه الوضع ده بيبقى من اسخف ما يمكن ومن أصعب المواقف لأنك تقريبا بتفضل واقف أو بتحاول تعافر تمشى جوا الطين ده …لكن الأكيد انك بتتعب اووى وواحدة واحدة بتفقد قدرتك على الخروج منه …

وهنا بقى لازم تقف برهة…تشوف تحلها إزاى تستجمع قوتك وتنط ولا تنده على حد يساعدك يعنى من الآخر لازم تدور على طوق للنجاه لأنك لو ما فكرتش كدا هتفضل تغرق فى الطين لغايه لما تضيع ملامحك !!!!!