خالد الصاوي لـ ”أسما إبراهيم“ الراجل لو بطبعه خاين يبقى حقير

ظهر النجم خالد الصاوي من خلال برنامج “حبر سري” التي تقدمه الإعلامية المتميزة أسما إبراهيم حيث تصدرت تصريحاته محركات بحث جوجل.

وقال خالد الصاوي خلال لقائه في برنامج حبر سري التي تقدمه الإعلامية أسما إبراهيم ويعرض عبر قناة القاهرة والناس: ندمت أني اتجوزت متأخر ومخلفتش وفكرت أتبنى طفل بس خايف من الخطوة لان دي مسئولية كبيرة وأخاف ابوظله حيات.

وتابع :في فنانين خافوا يعملوا الدور اللي عملته في عمارة يعقوبيان وحقهم لآن عندهم بنات وممكن يتشتموا بيهم لكن انا لوحدي في الحياة ومندمتش على الدور ده.

وأضاف :50% من اللي عملته في حياتي مش راضي عنه سواء في الفن أو في حياتي الشخصية.

وأكد في حاجات لازم الشباب تاخد بالها منها ومتجيش جنبها زي متشربش حاجات غلط، متاكلش حاجات غلط، متعمليش علاقات غلط

وأستطرد: كل الحاجات دي أنا عملتها وانصح للشباب انهم ميعملوش زيي ويجربوا الحاجات دي.

وأستكمل: أنا عمري ما أتجوز على مراتي ولا أتجوز تاني هي مرة وخلاص.

وأضاف الصاوي الراجل لو بطبعه خاين يبقى حقير واللي عايز يتجوز اتنين يروح يقول لمراته الأولى وميخبيش عليها حاجة.