عشمت نفسي.. بقلم ميرفت أمين

عشمت نفسي بزيادة
وصدمت قلبي كالعادة
وقولت أدوق حلو الايام
لقيتها مرة أوي وسادة

فكرت عشمى في محله
ماهو ياما ناس صبروا وحلهُ
لقيت انا حالى مايل
ومافي فرح عارف يوصله
ولا يوم بتكملى سعادة

جري ايه يابختى المتدهور.
ماتلف علي غيرى ودور.
ياما نفسى اشوفك بتنور.
بشويش علية وبهوادة.

بتنشن وتضرب في المليان.
وعاملى فيلم مالوش عنوان
وتدوس على القلب الغلبان.
ياخي هات نهايتك بلا خبلان
مش كل يوم انام منكادة.
عشمت نفسي بزيادة

بقلمى// ميرفت أمين