شوية ورق حواليك
بيبيعوا ويشتروا فيك
وانت ياعيني عليك
مش عارف تعمل ايه ؟؟
ورقة بعشرة يابيه
تنفع للعلاج
ولا لأكل العيال
ولا لحاجة البيت
ورقة بميت جنيه
هتعمل بيها ايه
لا تكفي حتى
كيلو جبنة وبيض
الورقة دي بيها
تعملك ميت قيمة
من غيرها
ولا تسوى مليمة
عشان يحترموك الناس
تشتري كام احساس
بالورقة دي تقدر
تكون اعز واغلى الناس
تكون أي حاجة وخلاص
تتشال بيها فوق الرأس
بالورقة دي
تكون انت الاولى والأساس
كل الحكاية
شوية ورق
يسببولك قلق
خناق وزهق
تفكير كتير وأرق
دنيا الورق
ليها العجب
من الميلاد حتى الممات
عرض وطلب
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب