عشتي يا مصر حرة آبية

شرين الهواري

بلادى السمرا أم الدنيا و هتفضل بلد الأمن و الأمان فيلم “الممر” لازم يتعمل منه تاني و تالت و رابع عشان ولادنا و بناتنا يعرفوا تاريخهم يعرفوا أنهم يضحوا بأرواحهم من أجل وطنهم يعرفوا الشهداء الأبطال يعرفوا جيشهم قوي شجاع هو اللي بيحمينا و بيحمى بلدنا مصر . 

 ولادنا معندهمش أي معلومات و لا متخيلين ممكن يكون حصل إيه في حرب أكتوبر أنا نفسي انبهرت و انفعلت مع مشاهد الفيلم بنتي خافت لحظة لما عرفت أنهم كانوا في سيناء بما أننا في شرم الشيخ تخيلت انهم ممكن يرجعوا تانى قلتلها لا متخافيش جيشنا بيحمينا و في معاهدة سلام كامب ديفيد طبعا كلام مش مستوعبة لازم المدارس يكون في حصة لكن بشكل مبسط .

أفلام وثائقية عن حرب أكتوبر و انتصارات جيشنا تبقى كل أسبوع أفلام وثائقية عن أبطالنا الشهداء زمان و اللي بيحصل في سيناء حاليا وأبطالنا هو ده اللي هينمى عندهم حب الوطن و الانتماء و يكونوا جيل واعي مثقف جيل يحمي نفسه و يحمي بلده مش سايبنهم للأغانى و الأفلام الهابطة وبرامج التيك توك .

نداء و رجاء لوزير التربية و التعليم يتم تنفيذ ذلك فالمدارس رحلات ميدانية لخط بارليف و التبه و الجندي المجهول .