وشوش و وشوش

بقلم/ سلوي عبد الرازق قاسم

في وشوش الناس حكاوي

كتيرة

وش بيضحك و وش حزين

سألت الباكي حزنك ليه

قال الدنيا. فين وأنا. فين

شربت مرارها سنين في كاسات

ويمكن لسة جاية سنين

دقت الحب وعشت أيامه

لكن الغدر أساسه متين

حتي الصاحب باعني وخاني

يبقي حياتي أعيشها لمين

سألت أبو ضحكة مالية شفايفه

  بتضحك ليه… قالي الدنيا في حضني

وجاية معايا بتسأل ليه

قولت الحزن يموت صاحبه يبقي الفرح

بيعمل أيه… قالي بيرسم دنيا جميلة

مافيهاش حزن وأحزن ليه لمة حبيبي يبقي

معايا و راسم فرحة جوة عنيه

قولت حبيبك ممكن يبعد ويسيب حزن

تسكن فيه. أوعى أيامك تخدع قلبك

          لو مات فرحك هتعيش ليه