الإعلامية شيماء ربيع تكتب.. “التحايل على القانون”

التحايل علي القانون بمعني أنك تزيف الحقائق، وتخالف ضميرك، وتقلب الباطل لحق، ودا أسمه تحايل علي القانون وغش وتدليس.

ليه تتحايل علي القانون؟ لما فيه عندنا قوانين ومواد تنص على عدم التحايل على القانون ومعاقبة من تحايل على القانون.

المحامي الناجح الشاطر بيكون عنده حنكة في التعامل مع القضايا المعروضة عليه وممكن يخرج موكله من القضية بمنتهى البساطة، بمواد القانون وما يتحاليش علي القانون بالغش والتدليس.

خليك صح طول ما أنت صح هتعمل الصح، خليك في المضمون، هتكسب وهتعيش مستور، أضمن ستر ربنا علشان يسترك دنيا وآخرة، ما تتحايلش على القانون وراعي ضميرك في كل شئ.

مهنة المحاماة مهنة شريفة، تحترم بالنسبة للي بيراعوا ضميرهم في هذه المهنة، أما بالنسبة للمحامين الغير شرفاء ودول موجود منهم كتير ومن وجهة نظري لا يطلق عليهم محامين، دول حرامية ونصابيين وفلوسهم بتكون حرام لأنهم غشوا وتحايلوا على القانون.

في محامين كتير جدا شاطرين ويقدروا يخرجوا موكلهم من القضيه بمواد القانون واحكامه، بدون أي غش أو تدليس، أو تحايل، ليه تستسهل لما عندك حلول كتير، القانون أوجد الحلول لكل شئ، أي نعم أي مسألة قانونية، أو أي قضية بتأخد وقت، بس في الآخر بتأخد حقك بالقانون.

قانون بلدنا لابد أن يحترم، وسيادة القانون قبل أي شئ، كذلك بالنسبة للأشخاص المتدنية، الطبقة الذين يتحايلوا على بعض الأشخاص، دول أفاقين وكدابيين ونصابيين، لأنهم بيزيفوا.

الحقائق ليه تتحايل؟ ليه تنافق؟ ليه تغالط ضميرك؟ ليه ما تراعيش ربنا؟ ليه ما تعملش الصح؟ هتبقي كل حياتك صح الصح، راعي ضميرك وما تغلطهوش، وأرضي ربنا في عملك هيراضيك.

(تحياتي لكل المحامين الشرفاء اللي عندهم نزاهة وضمير وشرف)