نفس الميعاد…
من كام سنه؟
حضرتك معايا كل يوم .. فمش عارفه كام سنه
بس..كانت اخر مره اشوفك واحضنك
ممدوح اخويا الكبير…كان لسه مسافر يا دوب يوم
ياسر اخويا ..كلمني. .انت فين يا بنتي…ميعاد الزياره؟؟
انا باركن العربيه……..وجايه
ثوان…كلمني مره اخري…خلاص يا فافي ..
بابا سابنا
تعيشي انت
يعني ايه؟؟؟مافهمتش. ولا استوعبت
جريت علي الحجره…قابلتني ممرضه من كثره ما بتشوف…بقي عادي….خلاص الحاج مات
ماكنتش شايفاها..ولا فاهمه معني الكلام
ازاي بابا…زي ماهي بتقول..بابا لايمكن يعملها ..و يسيبني
نزلت جري علي كما يقولون….الثلاجه
واقسم بالله…بابا كان نايم ..زي مابينام الضهريه شويه…وحاطط يده تحت رأسه…كما كانت طبيعته
قلت لهم…بابا جسمه دافئ…لسه عايش
تسيبني ….كنت دائما تقول لي عمري ما حاسيبك
بابا كان محارب . ومحب للحياه . وعدي عليه كثير من مرات نوبات الغيبوبه. ولكنه ..بعد ربنا ..و بحبه للحياه..يفيق
انت وماما ..مازلتم معي..
و مايقولونه..انك رحلت…لا أصدقه
عندما تخنقني الحياه…اغلق علي نفسي حجره…واجلس اشكو لك ولماما ..واسمع ما تقوله..و انفذه
***** ساوافق التواريخ..و اصدق ان ******
********الذكري السنويه.. ؟…لوالدي ********
********* الاستاذ / السيد شباره ********
**** وكيل اول وزاره التربيه و التعليم العالي *****
كل من يقرأ ..
البوست فضلا…… يقرا الفاتحه
وحشتني يا باباي قوووي.
فخوره جدا… جدا….. جدا…. جدا ..كوني احمل اسمك
وكما كنت تحب أن تناديني…بنتي… الدكتوره فافي
عظيم يابابا.. و ستظل
أجروا علي امهاتكم و ابائكم.
فلن تعرفوا .. متي يكون الوداع
الفاتحه علي روحك يا بابا..و ماما ..علي أرواح كل من غادرونا
ابنتك
فافي السيد شباره
More Stories
الرائد أحمد فريد عبد الخالق.. حضور أمني يجمع بين الحزم والإنسانية داخل مركز شرطة تلا
يوم اليتيم بآداب المنوفية… احتفالية إنسانية بروح العيد ترسم البهجة في قلوب الأطفال
مروة أبوسالم حين تتحول الإنسانية إلى رسالة والإعلام إلى نور يصنع الأمل