على صفحتها الشخصية الإعلامية نسرين رمزي تستغيث في مستشفى القصر العيني

“شكرا لكل الناس اللى كلمتنى باكتر من وسيلة علشان تطمن كان نفسي اطلع لايف واحكى بس انتو شفتوا اللايف اللى فات كنت منهارة ازاى

ياسمين تعبت الساعه ٣ الفجر وديناها مستشفى ابو الهول التخصصى فى المنصورية علقوا لها محاليل لمده ساعتين مافيش تحسن لحد ماانهارت من كتر الترجيع والاسهال

قالوا اجروا على مركز السموم بالقصر العينى رحنا المركز حلل لها وقال تطلع على طوارى القصر العينى حالا

البية بتاع التذاكر لما لاقانى براضى العامل اللى بيجر الكرسي للبنت حب يتنطط عليا بعد ماادانى التذكرة وماشيه يقولى لا تعالى هنا هاتى البطاقة وهاتى المريضة ادامى ..يابنى المريضه جوة منهارة وبطاقتنا معاك ..فجاة شد التذكرة من ايدى وقطعها ورزع الباب فى وشى دخلت للمدير الادارى لا المدير ولا الامن عارفين ياخدو معاه حق ولا باطل ولا راضى يقطع لى تذكرة اقسم بالله مامصدقة نفسي لدلوقت ..طب هاخد حقى بعدين بس دخلوا البنت تكشف ولا الهوا اكتر من ساعه

بعد ساعه محايلة منهم عليه رضى يقطع التذكرة وكشفنا والدكتور كتب الدواء عندها تلوث و نزله معويه حادة داخله على جفاف ..ونصبر على المحاليل اللى خدتها شويه .