يوليو 18, 2024

جريدة الحياة نيوز

رئيس مجلس الادارة : نسرين رمزي

آخر قرار ياقلبي بقلم مصطفى سبتة

لغاية مشاعرك ما ترسى فى طريق
وتفهم يا روحى هوايا البرئ
وقلبك يحس اللى ساكن فى قلبى
هكون. بس جنبك مجرد صديق
هوقف مشاعر مصيرها فى ايديك
وهسجن فى قلبى حنينى اليك
وهنسى انى عايش فى حبك بدوب
وكل اللى فيا بينده عليك
هسيبك لغاية ما ابقى الحبيب
وابقى لعبنيك ولهواك كل شئ
هسيبك لغاية ما تنده عليا
وتعشق عيونى ولمسة ايديا
وتنسى اللى عدا فى عمرك زمان
وتبدء. معايا حياتى اللى جايه
هسيبك تفكر وليك الاختيار
وهستنى مهما يطول الانتظار
وهفضل بقلبى وروحى معاك
لغاية ما توصل لأخر قرار