حدود فاصلة

من أشمل العبادات و أكثرها حكمة و إقتراب و تأمل ..

عبــــادة التـــدبر ..

والتدبر هو لغة التفكر التى تدور حول أواخر الأمور وعواقبها

فالتدبر هو النظر في عواقب الأمور وما تؤول إليه

وهو التفكر الشامل الواصل إلى أواخر الدلالات ومراميها البعيدة .

وهو التفكر باستخدام وسائل التفكير والتساؤل المنطقي للوصول إلى معان جديدة يحتملها

لماذا التدبر ؟ سؤال مطروح ومُهم ومُلح ولعل الأهمية في التدبر تكمن في الامتثال

لأمر الله سبحانه وتعالى فلقد أمرنا بذلك فقال

“أفلا يتدبرون القرآن ولو كان من عند غير الله لوجدوا فيه اختلافا كثيرا” النساء

“أفلا يتدبرون القرآن أم على قلوب أقفالها” محمد

وإن الله علم أن هذا التدبر فيه خير عظيم وإن كنا نحن المسلمين لا ندركه إدراكا صحيحا

التدبر يعني الاهتمام وبالتالي التطبيق والممارسة وهي النقطة الأهم في حياة الأمة

فإذا تدبرنا القرآن نقلناه إلى حقول الممارسة على الأقل أو إلى ميادين السلوك

ولعل من المفيد أن نذكر هنا أن الناس فهموا بعض الأحاديث فهما خاطئا

فأعرضوا عن التدبر وانصرفوا إلى الحفظ والصم دون التوقف والتدبر ومن هذه الأحاديث

“خيركم من تعلم القرآن وعلمه” مسلم عن عثمان

طب نرجع لمرجعنا

إزاى أكون متدبر و أتدبر فى القرآن و الدنيا و فى كلامنا و أفعالنا ..

إنى أتسأل و لا أخذ بالمسلمات طواعية خوف من اللوم ..

هو إنت علمانى يا عم و لا إيه ؟؟

لا يا سيدى أنا قرآنى و مسلم متدبر

و بفكر بعمق بعقل ربنا خلقوه ليا علشان أفكر و أتدبر

و العلم هنا سبب من أسباب ربنا سخرها لنفهم أكثر و نؤمن أكثر

هو إيه الموضوع النهاردة ؟

بكل بساطة .. شوف يا سيدى

لو حطيت غلاية فيها مية ساقعة على النار و بعد شوية بدأت تسخن ..

و تغلى .. و تغلى جداً ً .. و بعدين تتبخر .. و تخلص

هى المية راحت فين .. مش عارف .. إتغيرت حالتها ..

أقولك تانى ..

إنت هادى جدا فى المعاملة و راجل ذوق وواحد جه يتخانق معاك ..

إنت لسه برضوه ذوق

قعد ينرفزك .. إتضايقت .. بس لسه هادى

بدأت تنفعل شويه شوية و إتغاظت .. و إتهورت .. و رديت عليه .. وزعقت .. إيه اللى حصل

يفصل الهدوء و الأدب عن الغضب

و التهور .. شعرة لو عديتها إتغيرت حالتك

يفصل الساعة 11.99 مساء عن الساعة 12.00 صباح شعرة ..

بس هنا دخلت فى يوم و تاريخ جديد

يفصل دولتين مختلفتين فى اللغة و الدين و السياسة .. شعرة .. خط الحدود

يفصل الهزار و اضحك و الدم الخفيف عن الإستهزاء و السخرية و قلة الأدب .. شعرة ..

يا ريت تكون وصلت .. تدبر يا أخى فى أفعالك و سلوكك

و أحكم إنت فين فى كل شئ فى حياتك عن الشعرة اللى بتفصلك عن النقيض و المختلف عن

دينك و أخلاقك و تربيتك

رأئيك السياسى لو فصلك عن حقيقة دينك .. تكون عديت الشعرة .. و دخلت فى المحظور

أبعد عن الهاوية و خليك فى المضمون بفاصل أمان

عن أبي عبد الله النعـمان بن بشير رضي الله عـنهما قـال:

سمعـت رسـول الله صلي الله عـليه وسلم يقول:

إن الحلال بين وإن الحـرام بين وبينهما أمور مشتبهات

لا يعـلمهن كثير من الناس فمن اتقى الشبهات فـقـد استبرأ لديـنه وعـرضه

ومن وقع في الشبهات وقـع في الحرام

صدقت يا حبيبى يا رسول الله

اللهم أرنى الحق حقا و أرزقنى إتباعه … و أرنى الباطل باطلا و أرزقنى إجتنابه