قصيدة ‘هل عندك علم’ للشاعر مصطفى المصري

زي الكمانجا لما تعزف حزن
او زي ست الحسن
لما تعجز والشعر فيها يشيب
شاعر كئيب
عماله تعيدي ف جرحك ليه
كل اما جرحي خلاص يطيب
اصبحت بموت انا بالتدريج
وبكلم نفسي عليكي ساعات
مش حبا فيكي لاسامح الله
انا بس صعبان عليا الزكرايات
انا شفت كل المعجزات
لما كنت بشوف عنيكي
وكنت بتدفي اما بلمس يوم ايديكي
وكنت بسرح فيكي بالايام
حتي اسالي صورك
كلمتها كام مرة قبل م انام
كان كل املي نعيش بكل سلام
واول ماقلتي سلام
لفيتي ب ايديكي حبال المشنقه
ونفذتي فيا حكم بالاعدام

هل عندك علم
اني لحد اللحظه بريدك
سبتي ايديا ف لحظة ما مسكت
وفضلت متبت علي ايدك
انا لسه بعيش جوة وريدك
وبنادي عليكي بعلو الصوت
وكأني بموت
بغرق ف عنيكي اكنك بحر
واخرك مش باينله حدود
فضلت اموت غرقان فيكي
ولا اني اتعذب من غيرك
كتر خيرك
علي هذا القلب اللي كسرتيه
عاش من غيرك
متعشم تيجي ف يوم تشفيه
واهو قلبي خلاص اتا غيرته
مبقاش القلب اللي عرفتيه

انا قلبي عاتبته كتير جدا
علي كل الاوقات المره
ازاي بيحن بكل برود
حرفيا مت انا ميت مره
وبقيت انسان مقسوم نصين
من جوه دموعي محاوطاني
وبضحك روتينيا من بره
اشمعني عيونك بالتحديد
خطفوني ومن اول نظرة
دبت ف نارك
الوجع اللي بيسكن قلبي
عمره ما زارك
شفتك عصفورة بريئة بجد
بخيتي السم ب منقارك
قلبي اللي حرقتيه ف نارك
اتعلم من جرحك يامه
سبتي علامة
ف قلبي المجروح
مبقتش ببوح ولا بحكي معاه
ولقيت الحب ف حضرتك
يشبه لسم لا يؤدي للوفاة