إكرام الضيف بقلم بسيوني صديق

إكرام الضيف
يطول العمر
ويدخل الجنة
من أوسع أبوابها
ولو برغيف وحبة ملح
وحزمةجرجير مربرطة
ومقابلة حلوة صح الصح
وباسمةجميلة بوجوه بشوشة
يبقي عملنا إللي علينا
والباقي كله علي الله
***************
إكرام الضيف
يطول العمر
ويدخل الجنة
من أوسع أبوابها
ده الجوده من الموجوده
ولقمة هنية بتكفي ميه
ياعيشة دايما مستورة
بفضل الله وحسن النية
بنفرح بقدوم ضيوفنا
ونغني خليها علي الله
*****************
إكرام الضيف
يطول العمر
ويدخل الجنة
من أوسع أبوابها
يا سلام لو ضيف جالنا
الطبلية تبقي مرصوصة
ورب العباد بيسترنا
علشان النية معقودة
علي إكرام ضيوفنا
بالحب توكلنا علي الله
***************
إكرام الضيف
يطول العمر
ويدخل الجنة
من أوسع أبوابها
ولو كان الأكل علي القد
نطفي النور ونقول قطع
ونحط الاكل قدامهم
والضيوف تاكل وبشبع
ده الكرم من صفاتنا
والرزق دايما علي الله
*****************
إكرام الضيف
يطول العمر
ويدخل الجنة
من أوسع أبوابها
الاب يطلع إللي عنده
حتي ولو كان ع الحديدة
والام مطاوعة ومهاودة
وايدها في الكرم مخرومة
يعني البخل مالوش مكان
ده الخير من عند الله
*****************
إكرام الضيف
يطول العمر
ويدخل الجنة
من أوسع أبوابها
ست البيت بتعمل الواجب
حتي ولو مش في الامكان
وتزنق علي ايدها في الغالب
وتداري علي جوزها الغلبان
ولا تخجل ولا تبينشي
وديه حكمة من عند الله