ياصاحبـــــــي ليه تخون
بعد ما آمنتك علي ســري
ومشيت وراءالملــــعون
ونسيت إن سرك سري
************
يا صاحبي فين العهود
اللبن أصبح رايـــــب
والندل دايما حســــود
والوعي عنده غايــب
*************
ياصاحبي أوعي تنسي
وخليك حامد وشاكر
الخسيس دايما ينسي
ويعمل نفسه مش فاكر
*************
ياصاحبي الدنيا فانية
والباقي الكلام الطيب
وكله بالحساب والثانية
ياخوفي عليك تتعيب
************
ياصاحبـي أنزع القنـاع
ملامحك كلها مكشوفة
بلاش التمثيل والخـداع
والصراخ لعبة معروفة
*************
ياصاحبي أصحي واتغير
وبلاش مكر الثعالـــب
الدنيا كلها بتتغيـــــــــــر
ليه الطبع عليك غالـــــب

More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب