“إللى كان كان” بقلم ناجح شرقاوي

إللى كان كان

فى بعدك
لانا بشكي
ولاببكي
ولاناوي
حتي أحكي
مهما نار البعد
فى قلبي تكوى
صحيح انا بتألم
بس ولا يوم هتكلم
اللى بنا كان كبير
وأنت نسيته
وداريته
بس جوايا انا معلم
هيفيد بأيه اشكي
ولا أحكي
مادمت انا
بالهجر
راضي ومسلم
لأنا هشكي
ولاهبكي
ولاممكن
فى يوم احكي
اللى كان كان
وأنت اخترت
دنيتك والمكان
ولا ممكن تاني
يرجع بينا الزمان
وأنا رضيت بالحرمان
وبدعيلك
تعيش فى أمان
ولا هشكي
ولاهبكي
ولا أبدأ
فى يوم هحكي