شريك الحياة.. التكافؤ بقلم إيمان عزت

.. من أهم الحاجات في إختيارنا هي التكافؤ
.. طب دا يعني إيه يكونو مثلا متساوين في كل حاجة
.. لأ.. مش كدا لكن تقارب على مستويات الحياة يعني مستوى التعليم قريب بس دا مش معناه إن لو هو غاوى ماجستير ودكتوراه يبقى إلزام على العروسة اللي يتجوزها تعمل زيه .

.. أقصد مستوى التفكير والثقافة متقاربين وأكيد كمان تقارب المستوى الإحتماعي والإقتصادي عشان محدش يحس إنه بييجي على نفسه وبيتنازل ويحسس التاني طول الوقت إنه عمل فيه جميله
.. أيوا وكمان أهم حاجة التكافؤ  في الحب
.. طب نوضح.. هو الحب كمان فيه تكافؤ
.. أكيد.. مينفعش طرف واحد يفضل يدي ويضحي ويقول كلام حلو ويقدم دعم والتاني ميعملش ويتلقى بس وإلا تبقا أنانية
.. يعني الشاب أو البنت لو حس حد فيهم إنه مضغوط ومش متقدر وفاكر إنه لازم يقدم أكتر يمكن يكون مقصر.. لأ لازم تراجع نفسك وتدرس الموقف من زاوية تانيه عشان المفروض دا إختيار العمر
.. و ناخد بالنا مش معنى دا إن كل ما حد يعمل حاجة تزعل التاني منجريش بقا ونحكيها وننشرها علي السوشيال ميديا وأغاني حزينة.. لأن التجربه الشخصيه خاصه بيك أنت وأنت صاحب القرار وأنت اللي هتتحمل عواقبه .

.. يعني لازم وأنت بتختار.. تكون حاسس إن دا اختيارك مش إختيار حد من أهلك ولا أصحابك عشان تحس بالسعادة ولازم تحس إنك مطمن وفي مودة وسلام
.. طبعا وماتحكمش على العلاقة وأنت في حالة إنفعال عشان ميكونش دافع لقرار غلط .

.. و إن نثق في بعض وندعم بعض ونفرح مع بعض ومش مطلوب مننا نقعد نشرح للي حوالينا هو إحنا ليه مختارين بعض
لأنها إسمها حياة شخصية .

.. وكمان ناخد بالنا أن دا إختيار لشريك حياتك إنت مش إنت وباقي البشر مفيش إجماع ميه ف الميه على حد
وعقلك وقلبك هما ترمومتر إحساسك في إختيار شريك حياتك .