“بابا” للشاعرة عبير علام

– اول علاقة حب ف حياتي
– فيها اجمل ذكرياتي
– مرصوصه بالترتيب ما فيها غلطة
– حقيقي كانت ورطه بلا نهاية
***
– عاجل تم اعتقال بنت بضفاير
– و السجن خالي من الشبابيك
– و الضلمة سور او جسر عاجز العبور
– و الوقت ماشي بلا غاية
***
– سفينة عكس الرياح
– و الروح تتألم و الصمت مجروح
– كأنه اتعلم درس م الايام
– و الخوف هواية
***
– يا لعبتي عدي
– كام مرة سلاكي
– كام مرة و انا بحبي
– كان ارضي و خُطايا
***
– كام مرة كان مشواري
– و ضحكتي و داري
– كام مرة كان لي حياة
– و حقيقة ف مرايا
***
– كان نفسي أبوح جواك
– بكل أسراري اسهر
– و استناك تعود ليا
– رغم القيود القاك حرية
***
– ف الصورة لون بهتان
– و سرب يمام ف عش حزين
– بيسأل مين خطف
– سنيني الجاية
***
– رسمتك طيف على بابي
– و رغم القرب عني بعيد
– قابلتك صدفة ف منامي
– هاجيت ف الشعر بكايا