شهادة ميلادي ..بقلم أميمة المعداوي

…الى أرض شابت ،
الى ديابه سابت
وكبرت شوكتها
ما بين الضلوع

.. وأرضى أسيره…
وهيه الأميره
كادو لها التعالب ،
فى ليلة سبوع

…وصرخه لأمى ،
و ابويا ، و عمى
وميت الف غاره
تطفى الشموع

…لأجمل مدينه ،
و مسرى نبينا
معلم ولادنا
يكونوا الدروع

…بدينا وجهادنا ،
و يبقى اتحادنا
فى وقت الشدايد
عباده و خشوع

…وحمحم حمامنا ،
يردد كلامنا
كفانا استهانه ،
بلاش الخضوع

…يا زغروده ضاعت ،
مذلتنا شاعت
وضعف ومهانه ،
شبعنا خنوع

…وسجنوا شبابى
و قتلوا صحابى
عشان بس أخرس ،
و ازيد الركوع

….ياقدس السلامه ،
وكنيسة القيامه
صراخكم وصلنا
و حرارة دموع

…راح احمل سلاحى
ما نامشى و صاحى
ف وش الافاعى ،
و أصمد و اجوع

وجندى الصهاينه
ها اجهز مماته
…. شهادة ميلادى
لأعظم طلوع.