الشاعر عمر أحمد عبد العزيز
قوليلي أنتي ازاي كدة
قوليلي أنتي ازاي جميلة بالشكل ده
ازاي أحلى من القمر
ازاي ضيك بيحلي السهر
ازاي عينك أجمل من عيون كل البشر
ازاي كل ده
قوليلي أصل ماشوفتش جمال زي جمالك قبل كدة
اه كنت بشوف بنات كتير حلوين بس مش بالشكل ده
أنتي جمالك مش حاجة تعدي بالساهل
أنتي جمالك من كتر جماله خلاني ماشوفش حاجة تانية تستاهل
صحيح الجمال جمال الروح
بس أنتي كمان روحك من شدة جمالها تتغازل
أنتي كلك على بعضك حكاية
أنتي محتاجة في وصفك مليون رواية
أنتي كل كلام الغزل مايكفيكيش
أنتي محتاجة أشعار متنتهيش
قوليلي أنتي ازاي كدة
قوليلي أنتي ازاي كدة
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب