يونيو 23, 2024

جريدة الحياة نيوز

رئيس مجلس الادارة : نسرين رمزي

بحور الشعر تشجيني بقلم مصطفى سبتة 

مليش في الشعر والأبيات
ولا لحن قصيدة ولا بحورها
مليش في فرحة البدايات
ولا نهايه بتدور على دورها
أنا يدوب حروف بتبات
تنادي في عتمة الأحلام نورها
مليش في الوزن والتفاعيل
مليش في العين أن قالت ليل
ولو طلع في الكلام مواويل
أكيد هتميل الكلمه على جذورها
معروف أصل الكلام والفصل
ولا لينا في التقليد وأحنا الأصل
وياريتنا بالقصايد نولنا الوصل
يا بلاد بعيدة ومعلين سورها
مليش في القهر ولا أحساسه
ولا بيعته ولا أشتريت ناسه
وحداني وحنين قلبي وناسه
وعقلي في رأسي بيوزنها
وطول ليلة شوقي مخاويني
واخدني معاه وبناره كاويني
وأنا سنيني قصاد عيني
بتفصل همومي علي دموعها
يا حروف عاصية وعاصياني
البحور قاسيه وحارماني
وعلي شطوط هواكي حِرماني
ولا رماني الحب في أعصارها
مليش في الشعر أي قصيدة
مع أن الهوى حكايات بتتغنى
وانا عمري عدا ولا أستنى
ولا شاف دمعتي سعيدة
ولا سألها ولا م الخدود شالها
وسابها غرقانه في أنهارها
ومن جنبها أهو مر وفات
دي حبيبها هو اللي خذلها
مليش في الشعر والأبيات
ولا تبات حروفي في أوجاعها
ولا تشهد علينا في الروايات
بحور الشعر وكل أشعارها