..من ديوان/سلام يادنيا
المرايه
..المرايه … المرايه ، المرايه
اتكسرت
………من هزة الريح القويه
جوه منى….. اتبعترت
…….ع الأرض لما الدنيا
والأيام عليه أتغيرت
……أتكسرت …..أتبعترت
ولقيتنى جواها غريبه
….شكلى وقسماتى البريئه
ويا ملامحى اتغيرت
……..بصيت عليها لقيتنى
موش شكلى أنا
……بصيت لقيت الكسر
جوايا كسرنى من هنا
….كترت شروخ الروح
بكل وضوح ،ةواتلخبطت،
…..واللا الدموع الحاره
نازله من بين الجفون
…..زى المطر ….. مسقيه
بحالات الجنون
…والقلب مخروس بالهدوء ،
مهزوم بوخزات السكون
….لما السحابه تعدى وتزول
الغيامه ……
…والفجر يطرح ميت ربابه ،
وتعدى سحابات العتامه
…جوه المرايه بتزيد الشروخ
والصوره واضحه مشوشه
….النفس تعبت م الجروح
عاشقه السكوت والوشوشه
….يمكن فى يوم الصوره
تانى تنتظم جوه المرايه.
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب