من ديوان /شئ غريب
..جاى تلومنى ع القسيه ،
عمرها ماكنتش فيه !!!
……..بس نكرانك لقلبى ،
بعد مااتهنيت بحبى
..واعترفت انى حبيبتك ،
جاى تلومنى ازاى هجرتك ..!!
……كان حنانى لك بلاد ،
نهر ميه وقوت وزاد
…..وانت ع غدرك ناكرنى ،
جاى تتمنى الوداد !!؟
…….ود أيه اللى ادهولك..!!؟
يوم دموعى مااشتكولك
……وانت واقف بس تجرح،
يوم غلطت وجيت ازورك
….كل حاجه فى قلبى ماتت
والمحنه منى ثارت
…موش هتغرينى الدموع ..!!؟
أنسى يالا مفيش رجوع
……..مهما تيجى بذكرياتك
أو هتحلف لى بحياتك
……كنت فاكر أنى خاتم..!!؟
تلبسه شويه ف أيديك!!!؟
….. واما تزهق ، تيجى نادم ،
والدموع ماليه عنيك..!!!
……روح ودوق الذل وارجع
ياناكرنى
…… ..دوق مرار البعد عنى
وانتظرنى
…….أنى أرضى يوم عليك ،
واللا افكر أشتريك
……. لما تشرب من كاسات
البعد عنى
…….. لما تحلم تبقى جنبى
بنظره منى
..جاى تلومنى ع القسيه..!!!؟
عمرها ماكنتش فيه..
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب