من ديوان /انتفاضة شعب
..زى النهارده
والقلوب متحفزه ، تسمع بيان
النصر ، وولادنا ع الجبهه أسود
بتحقق الحلم الكبير
..حلم المواطن بعد نكسه
مؤكده ،انه يشارك فى
الجهاد علشان كابوس الغدر
قاعد كل ده،
..مهدور ترابك ياوطن ، عايزين
فى صحوه تشق قلب العتمه
وحيطان الجمود
..داعيين يارب النصر ما ترد
الكفوف اللى استغاثت بالدعا،
..فجاه أنفتح باب السما
وملايكه نزلت بالأدان
على قلبهم ويا الرضى، الرب
شاء لجنودنا ويا صيحات الجهاد
الله اكبر ، الله اكبر،
..كانوا مأمورين يفنوا العدا،
وخساره فى الارواح ، وهزيمه
نكرا مؤيده،
..أما الشهيد رب العباد أقسم له أفرح ياشهيد راح تيجى تفطر فى
الجنان عندى أنا،
..نهضوا الجنود ويا الملايكه
ملبيه يالا الفدا
راح ابراهيم ومعاه محمد
واسماعيل،
..على كتفهم الأربجيه ، قسموا
ظهور المعتدين ، وجنود أراذل
مأجورين ، ع الارض شايفنها
الولاد متمدده،
..والقنطره ويا السويس وكمان
معاهم بورسعيد
وبلاد كتيره لجبنهم مترصده،
..وأكيد سمعتوا كلكوا عن مذبحة
بحر البقر ، أطفالنا فيها استشهدوا
على أيد حساله مشرده،
..الدم غرق فى الهدوم والشنطه
جواها القلم ، ويا الكتاب،
والكراسات حلوه جميله مخططه،
مرسومه فيها المدرسه ،
وعلمها بيرفرف كمان ، فوق
ف السما،
..سمعوا أزيز الطيارات ، زعقت
بصوتها زى غول من بره سور
المدرسه ،
..بصوا لها وشافوها الصغار،
وف لحظه ضربوا المدرسه،
مبقاش خلاص فيه مدرسه،
..طلعوا الأهالى يصرخوا ،
أيه كل ده…..؟
..وجدوا الحكايه أنها أطفال
رموهم بالقنابل،
ومفتحه زى السنابل وزهور جميله
مورده ، يتعلموا ، يتعلموا ألف
وباء ، بيرددوا حروف الهجاء
..هبوا الولاد زى الأسود ، زأروا
ووقفوا ع الحدود ياخدوا
بحق الأبريا،
..أشهد ياعالم كل ده ، عبروا
القنال ، كان النزال مع جيش
أفاعى مشرقه ومغربه ،
..حالفين مايبقى فى البلد غير أبنها..اللى أمين على عرضها
واللى بيحمى أرضها ،
…زى النهارده
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب