يوليو 12, 2024

جريدة الحياة نيوز

رئيس مجلس الادارة : نسرين رمزي

(بياض قلبي سوده عمايلكم)…… بقلم أمل المهدي

مع الأيام
واللي كانوا حلم في حياتي 
بقوا كابوس مخليني بخاف انام 
واللي كانوا في حياتي امنيه 
واسهر افكر فيهم وأالف ليهم اغنيه 
طلعوا عليا مش ليا
مشوفتش منهم حنيه
بقوا جاني وانا الضحيه
خلاص قلبي مالوشي حد
واتحمل الام تفوق الحد
وشوفت قسوه ما شافهاش حد
ومين هايقولي مالك ملياش حد
حبايبي هما جلادي
وحظي فيهم مش عادي
مقدرش اقول كارهيني
لأ هما اصلاً مش شايفيني
ميهمهُمش اد ايه بعاني
يوجعهم اشكي واقول بعاني
مش من حقي ابوح واتكلم
ولا اقول اني بتألم
خلاص هاموت في صمت وهاسلم
مش هاضايقكم تاني واتكلم
وليا رب له اتظلم
واشكيله كل اللي جرالي