..من ديوان /أنفاس الحياة
..فى وقت العصر وانا ماشيه
قابلت الشمس والضله
..وزرع الغيط ذهب أصفر،
جميله سنابل الغله
..ونسمة صيف هوا بارده ،
عبيرها من السما هله
..وداعبنى الهوا يضحك ،
وحبة ميه م القله
..بااحس نداها ف أيديه ،
وردت روحى كام مره
..وحواليه الطيور سارحه ،
تغنى معايا فى مسره
.. و شاى العصر وحلاوته
على الشاليه اللى كات بره
… وفلاحه على الترعه ،
فى أيدها الطرحه والجره
..نادتنى وهيه بتشاور ،
وغمازة الخدود دره
..ورمش العين بيتهادى ،
ونظرتها سهام حاره
..ودايره الساقيه بتغنى ،
غناها بيطرب الماره
فى وقت العصر….
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب