يونيو 23, 2024

جريدة الحياة نيوز

رئيس مجلس الادارة : نسرين رمزي

 “حياتنا هتكون على الإيمان حية”

اسماء طلال

والله يا حلوة انتي اللي حلوة وتتحبي
وانا قلبي فيكي دايب والهوى غلاب
بس أبويا قالي أوعاك في يوم تبعد عن المعقول والأصول وخليك من على الباب على طول
والله يا حلوة أنا حبي ليكي مش حب الأيام دي تليفون ورن وهدايا من دي ودي
أنا حبي ليكي حب زمان حب نبينا ما في بعده كلام لخديجة وعائشة كمان
أنا بشوفك في المنام وبحكي عنك كمان كل خير وإنك بنت خير
وإن شااء الله ما تكوني للغير
بس اصبري عليا لحد إما اجيلك وأنا واقف على رجليا وبقول لوالدك أنا هكرمها وإلا كنت سيبتها في بيتك صبية مصونة وفي قلبك محفوظة
يا عمي أنا مش شاب حَب وخلاص أنا أتعشمت بس بالحلال
والدنيا شالت وحطت فيا لحد ما لاقتني عند بيتك مستني المراضية، وبنت الحلال المتربية
وفي الآخر دبلتنا مش عهدنا ووعدنا
حياتنا هتكون على الإيمان حية
وبذكر القران متآنسة
وبودكم بتنبض قلوبنا
وفي النهاية أنا ابن وهي بنتكم