أنا مقدرش اكسر قلبي
علشان ماحبتهوش
ولا أموت حلمي
دا حتة مني وحلمي لازم يعيش
لو مش عاجبك كلامي
ومش واثقه ف أحلامي
دالحب إللي رويناه
ازاي ييجي يوم وننساة
سهر وليل وعشق
حب طاهر عفيف مش فسق
مش زي ما قالولك في السابق
ياحبيبتي إحنا كلنا في الدنيا دي بنتسابق
وحلفت مية يمين لأمي
إن حبك جوايا
عايش في كل مكان معايا
أصل حبك ما ينتهيش
ادي صورك وادي حاجاتك
في كل ورده كنت بقطفهالك
ياحبيبتي أنا ابوكي واخوكي وعيالك
أنا كل دول
أنا السمار إللي في عنيكي
أنا لمسة اديكي
ومهما اتغيرت ملامحي
لاكن الزمن ما غيرنيش
من ساعة ما حبيتك
وإنتي اتغيرتي مية مرة
لاكن عمري ما كرهتك
وباقي على حبنا وع العشرة
فلية بتصديني يا بنت الناس
حبيتك بكل جوارحي
والله حبيتك بإخلاص
ولو مش مصدقاني افتحي قلبي وشقية
ها تلاقي حبك ساكن في أول مكان فية
إزاي قلب عاشق ييجي يوم وتموتية
أنا من غيرك ولا حاجه
والحياه عندي ما تساويش
لو جابولي كل النسوان
معاكي وبيكي بحس بالأمان
وبحس بوجودي
بلاقي نفسي و بحس إني إنسان
ولو عايزه أمارة
إنتي ملكة وكل دول كنيش
شوية حبر على ورق
شوية هوا وزعابيب
يطلعو وينزلو على مفيش
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب