شط الهوى

 بقلم أبوعدنان

وقفت على شط الهوى

والموج خادني لبعيد

قلبي من عذابو إرتوى

مش مصدق نفسه أنة سعيد

ياما مشيت وراة

ياما قلت أة ياما قلت ها نساة

لا قادر على بعدو

ولا قادر أنسى حبو

وجرحى القديم أساني

إتظلمت كتير من حبايبي

والدنيا تمللي بتلعبي

وقلبي مش مطاوعني

على خصامو وجفاة

لشط الهوى مشوار طويل طويل

النهار فيه زي الليل

جرح و هموم و أحزان

ونار العشق كواني

تعبت من كتر الجراح

عابر سبيل في الدنيا سواح

لا هانيلي نوم ولا عارف أرتاح

وما صدقت ما لقيت قلب بيحبنى وبيهواني

ياعالم دلوني

بعد الخلان ما فاتوني

حبيتهم من قلبي ونسيوني

قولولي يا عاشقين أحب ولا لأ من تاني

شط الهوى بحورو غويطة

مع إن الحياة حلوة بسيطة

لاكن إزاي أرجع شبابي والشيب غطاني

مساكين يا أهل الهوى مساكين

كان مالكو ومال سكة العاشقين

لو تشوفو دمعي وأنا حزين

وتوهت عن إسمي و عنواني

اة من ظلم الهوى اة من ظلم الحبيب

سنين بدور على دوا

وبدور على طبيب

أتاري الطبيب مجروح و من كتر جرحو بكاني