بقلم أبوعدنان
يا زمن لا تعاديني ولا أعاديك
إنت خدت مني وأنا خدت منيك
لية يفضل ما بينا صراع
ربنا ياخد مني ويديك
الشتا دخلت و الليل مظلم
كلاب بتنبح و شخص معدم
الفقر شبح مسعور
والقلم لية مش عايز يرسم
الشتا دخلت لمو البطاطين وإتغطو
الجوع قرص على بطنهم نطو و فطو
بدموعي رويت الأواني. قيدت النار من تاني
ألاعب دا وأناغش دا لما نامو وسكتو
الشتا بتشتي و البيبان مقفولة
النور مطفي و الكلاب مسعورة
الجوع بيقرص ع البطن
في ليل طويل ودنيا معووجة
عنيا مالها حزينة و بتدمع
زمان كانت عسلي و بتلمع
النهارده الشوف طشاش
والسمع ما بقتش بسمع

More Stories
مذكرات شخصية قصة قصيرة /لطيفة محمد حسيب القاضي
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب