وشوشات صباحية

بقلم هند الحسينى

الاحد 2020/12/13

الصحبة الطيبة

إن من أعظم الأرزاق التى يهبها الله للإنسان هى الصحبة الطيبة ،وأحمد الله أن وهبنى رزق وفير بصحبة جميلة وطيبة ،وحب صادق نابع من القلب ،فالحب لله وعلي طاعة الله بدون أى غرض أو هدف هو أيضآ نعمة كبيرة ، لايهبها الله الا لمن يحب .

أن تشعر بأنك وسط عيلة تانية بجانب عيلتك الأصلية ، إحساس العيلة الواحدة واللمة حوالين رب العيلة ، ال بيحن في وقت الشدة ، ويقسي ويعلم ويربي ،الناصح الأمين ،والمُعلم ،والمربي ،ال كل حاجة وكل تعبير بيخرج منه بيكون له معنى وبيجى في وقته ،تكشيرته بتديك إشارة إنك تظبت أدائك وتراجع نفسك ،وضحكته رضا وسعادة .

أجمل حاجه إن ربنا يرزقك ناس تطبطب عليك وقت الشدة والألم ، أيادى كتير كلها بتتسابق إنها تراضيك وتشد من أذرك وتحنو علي قلبك الموجوع ،الصحبة الطيبة دى أجمل رزق في حياتنا .

اللهم أدم علينا نعمة الصحبة الطيبة

وإحفظ لنا أحبتنا يا الله ونجتمع دائمآ علي الحب في الله ولله

دمتمت بخير