غزال ماشي في أمان الله
بيسير و القطيع و راة
بياسي مرارة الايام
بيفكر يرجع ورا
ولا يمشي خطوة لقدام
بيصرخ و الصرخة بأية تفيد
ميت ميت ودا شيء أكيد
بعد ما وقع في فخ الحياة
شافو نمر قوي
شباب و قوة وعفي
بيدور على فريسة
والحياه عمرها ما كانت بسيطة
ومحتاجة نفوس حويطة
والطيبة بقت رخيصه
وصوتنا لية ما بيوصل مداة
لا رحم وجعة و لا انينو
وكل البكا والغلا
وليالي البرد والشقا
وازاي ممكن يحمي عرينو
وكن الظلم خلاص حابينو
وممنوع علينا حتى نقول اة
عجبني في النمر صبرو وجلدو
وثورة بركانة و غضبو
لجل ما يعيش
الرحمة مفيش
والقدر ساعدو و خدمو
ورب العلا شاهد في علاة
وهيا كدة معركة الحياة
كل يوم ظلم جديد
دموع وحزن وليد
نصيبك واقف هناك بعيد
يا تقاوم وتقاوم
ولا تفضل طول عمرك حالم
ويقولو عليك بليد
زي الغزال في اخر مثواه
اللقمة مخطوفة من أدينا
وإن متنا ما حد يعزينا
والزمن راح يستقوى علينا
ودموع عنينا
وصرختنا و بكانا
وكل اللي حولينا في زحمة الايام بتنساة
أنا وأنت في دايرة مقفولة
والغزال خسر المعركة والبطولة
وخوازيق و حبال طويلة
مانفع الغزال صراخو و بكاة
لو صعب عليك الغزال
أنا وأنت على دي الحال
والظلم بنولو أكبر تمثال
والعدل ياحسرة ياولداة
طول عمري مطحون و معجون
بمية شقا وعذاب و شجون
عايشين في أكبر السجون
والنمر حصل على مبتغاة
طعام شهي ولذيذ
والدنيا ما لهاش عزيز
الفرحة والضحكة والطيبة
زمان كانت كنوز
ضحكو علينا وسرقو كل شيء منا الغزاة
والحب إللي كان فاضل
وطرح المودة والسنابل
كلة على بعضو بيقاتل
وأحنا طعام الاغنيا
مقدمناش غير ندعي ربنا
ونطلب منه النجاة
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب