يارب قويني

بقلم ماجدة البهيدي

 

يا ربى إهديني

وعلى نفسي قويني

وأصلحلي انا حالي

و من الدنيا احميني

 

طالت ليالية

قاسية كدة عليا

لعارفة اوصل لبر

ولا لقية حينية

 

ياما فاتوني ناسي

ولا راعوا إحساسي

والفرح ليه بيمر

وليا أنا ناسي

 

إكمني وحدي ويتيم

ولا ليه صاحب حميم

الدنيا جاية عليا

مانا ليه رب كريم

 

ياما بعدك وحيد

ولا شوفت بعدك عيد

الشهد طعمه مر

والبعد نار بتزيد

 

إيه فايدة الخلان

لو يوم ما نلقى امان

لكل واحد وش

صحيح اخر الزمان

 

الكل همه الفلوس

لو حتى عليك يدوس

علشان ياخد اللى عايزه

ممكن رجلك يبوس

 

هناخد إيه منها

هنروح وسيبنها

ما دايم إلا الله

ودي حاجه عارفنها

 

يا رب قويني

وعلى نيتي ايديني

ولا تحوجنيش لحد

ومن نفسي نجيني

 

يا رب سلمنا

من الدنيا وارحمنا

وخرجنا منها بخير

وأحسن لنا ختامنا