إحكيلي قصة يا والدي
أقعد طب جنبي يا ابني
سلم على النبي وصلي
كان في زمان كام شرطي
هجم عليهم العدو الإنجليزي
والقسم كان إسماعيلي
شدوا الزناد و طلقوا الناري
ورفعوا العلم المصري
وحافظوا على وطنك ووطني
وبقو شهدا أحياء عند ربي
وتروح الأيام والسنين تعدي
ينزل في الشوارع شباب أدي
ويطالبو بحقك وحقي
وينادوا سلامك وسلمي
ويرجع العدو لبلدي
ويغير وجهه تحدي
ويقوم بيني وبين اللي جنبي
ويخطف حلمك وحلمي
وقال إيه بيدور علي حقك وحقي
لكن فقت له وقلت كله إلا بلدي
ورجعت مع أهلى أوحد صفى
والشعب المقهور بقا هو اللي يبني
العدو رحل وكفه يضرب علي التاني
و يرقع بالصوت الحياني
تعباني يا مصر انت وابنك المصري
و كله ما أجيله ع الوجع العالي
يصد ويقول كله الا بلدي
وادي يا ابني حكاية المصري
جندي في مكانه ومن يومه بيضحي
إيه رأيك يا ابني
حلوة يا والدي
القصة؟؟
بلدي يا والدي
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب