وديع والبنات بقلم مصطفى سبتة

وآخرتها يا عم وديع
بناتنا ليه بتضيع
لشرفها إزاي بتبيع
بقينا نخاف ع البنت
لو عمرها حبة أسابيع
يكونش العيب في البيت
حطينا النار ع الزيت
لو ضاع م البنت شرفها
متفيدش معانا ياريت
جايز العيب في الشارع
الماضي ما أصبحش مضارع
يمكن العيب في فنون
منتج بأفلامه مفتون
أو هو العيب إعلام
في خلاعة لحتى ننام
قال لنا ع الدنيا سلام
أو لأننا بنحارب الدين
كان آخر حبل متين
رسينا يا عم وديع
قربنا بجد نضيع
بنات بهدوم مقطوعة
كلمة العيب ممنوعة
السفالة هي المسموعة
رجالة بدون شنبات
ع الكذب تقوم وتبات
صبيان في بنات بتغازل
يوماتي نشوف في مهازل
وآخرتها يا عم وديع
إمتى للمولى نطيع