ليالي الشمس قليلة
وأنا صاحية ماليش حيلة
ليل طويل مالوش أخر
سرحان جو نفوس مريضة
ليه ياليل بقيت ثقيل
وحساك نهار صيف طويل
شمسك ملية المكان
بتفكرني بحواديت زمان
ساعة ماكنا نتجمع وأنا بضفاير
أدلع
كان كل حلمي فستان العيد
وقلم وكراسةوحبة مواويل
نتجمع نسمعها مش حاسين
كنا صغار مش فاهمين
كبرنا وبدأنا نفهم لغة العاشقين
حيرة وألم وأنين
والشمس ماعادت بتغيب
على طول بنفكر ومشغولين
بحلم عشناه جوانا ومش لاقين
خلاص الضفاير انفكت
والمريلة بقت فستان
خرجت أدور على الأمان
ذي مابيقولوا كل الأمهات
لقيت ولد كبير كان صغير زمان
قربت منه وقولت ياريت الشمس تغرب وأحس بالأمان
بدأت أشعر بروحه في كل مكان
قربت منه فرشلي الأرض بستان
فرحت وقلت خلاص
الشمس هترحل من المكان
لكن لمحت أصيل فرحت وقلت خلاص
جه الأمان لكن ماحستش بأي شئ سوى الشمس بتملى المكان
طب راح فين الولد اللي كبر
وكبرني كمان
رحل وغادر بدون عنوان
سعتها عرفت ليه الشمس مابتغبش عن المكان
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب