“يارب”  بقلم الشاعرة زينب الجندي

يارب 
دعايا كان لك وسؤالى
مين استجاب غيرك ليا
حققتلى كل آمالى
يارب وزيادة شوية
اللى اشتكالك خف وطاب
وقلبه فرحان بيغنى
واللى رجعلك بعد ماتاب
غفرتله وبات متهنى
بابك لكل الناس مفتوح
ورحمتك سابقة عذابك
كريم وبتلبى المجروح
ولاينقفل أبدا بابك
اليسر بعد العسر يكون
واللى صبر يبقى يابخته
موعود بجنه رب الكون
ووعد ربك إيه بعده
يااللى أنت غافل عن مولاك
من عطفه محروم وحنانه
خليك معاه تلاقيه وياك
تعيش فى ظله وإحسانه