“يا بنات الحور” بقلم الشاعرة أمل مهدي

يابنات الحور رجعوا القمر يدور 
القمر خبيته الهموم 
والليالي استغنوا عنه 
وأتونس بالنجوم 
يابنات الحور فين القمر فين
القمر عدت عليه السنين
واتملي آسي وبقي حزين
من اللي شافوا من السهرانين
يا بنات الحور قولوا للقمر يعود
القمر مسكين متحير
بيقول مبقاش قمر شكله اتغير
يابنات الحور قولوا للقمر يرجع تاني
مهما اتغير مش هانشوفوا
غير بشكله الاولاني
خرج القمر مكسوف
بيترعش من الخوف
سقفتله الالوف
القمر حس بغلاوته
ورجع يتكسف تاني
بس من جماله ومن حلاوته