السعادة بقلم هبة أحمد

أنت سعيد أو أنتي سعيدة ؟!! هل سألت نفسك السؤال ده قبل اللحظه دي ؟! وشايف سعادتك في أيه ؟ وبتسعي ليها ولا أيه ؟

هي أحساس بتشعر بيه وممكن تكون عمرك ماسعيت ليه ..يعني عايش لمجرد أنك حي ترزق .. بس في الحقيقه أنها كامنه في قلوبنا ولاتحتاج منا سوى البحث عنها هي (السعاده) أوقات كتير بتلاقي ناس بتدور علي السعاده في اللي حاسه أنه ناقصها ..سواء كان مال ، عيال ، صحه ، بس الحقيقه أن السعاده سرها (الرضا) يعني صناعه مما تملك ،، وأحساس بما تملك .. ال٢٤ قيراط بتوعك متقسمين بنسب مختلفه بين كل البشر بس كلنا معانا ال٢٤ وبيهم عايشين ..السعاده أنك تحسهم وتدرك تقسيمهم في حياتك .. السعاده أنك لازم تسأل نفسك أنت سعيد ولا لأ ؟ ولو لأ لأ ليه ؟ وممكن تكون سعيد أزاي ؟

السعادة في الطمأنينة والطمأنينة والرضا متلازمان كما قال الله تعالي في كتابه العزيز: (( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلي جنتي )). صدق الله العظيم.