في مرة وأنا وصحابي كنا كلنا قاعدين بنتكلم في مواضيع عامة ..وكل حد شايف الدنيا ماشية أزاي بصعوبة .. واللي شايف أنه مذودها شوية .. كل حد شايف حاجة بالنسبه له صعبة وتقبلها مسبب له مرارة في حياته وألم ..
فيه اللي شايف أن الفراق عن حبيبه أصعب شيء ..وفي اللي شايف الموت وأنه حقيقه أصعب شيء ..وفي اللي شايف الفقر وقله المال ..وفي اللي شايف الجهل … وقتها سألوني طيب أنتي أيه أصعب شيء بالنسبه لك؟!! وقتها رديت بدون تفكير كتير بجمله أصبحت ملاصقه لأسمي بينهم وتقريبا أكتبت في أسكتش معظم الناس وقتها .. ((أصعب شيء لما تحس أنك خلاص عجزت عن فهم الأحساس)) رد فعل غريب لقيته علي وجه أصحابي وفضلوا يرددوا الجمله …
بس اللي سألتوا لنفسي وقتها أزاي قدرت أوصف داه وخطر في بالي أزاي ؟! بس عرفت وقتها جمله لما تتكلم مع حد وتحاول تخرج منه بسبب لزعله ولا أنعزاله وحد قريب منه يسألك وصلت لأيه وهو ماله ؟!!! وقتها بتلاقي نفسك بتقوله : هو نفسه مش عارف هو عايز أيه ولا حاسس بأيه .. وقتها لازم تصدق أن داه أصعب شيء .. دوامه أتسلط فيها عقلك عليك ..وبقي عامل زي عاصفه بتجرف أحلي مافيك هو أحساسك…
More Stories
حين يتحوّل الحنان إلى سلاح
ست سنوات من الغياب وأنا أبحث عن حضنك
أقرأ رسالتك فأشتاق أكثر