سريح و بنادي
بصوت عالي
بيب بيب أنابيب
مهموم وحزين
ف الهم ليا سنين
يا دنيا واخداني لفين
لا صاحب ولا حبيب
شايل م الهموم جبال
الشقا غنوة وموال
يا مسهل الحال
ف الدنيا غريب
مجروح و جرحي م الصحاب
عليل ودوايا عتاب
ياما نفسي اشوف الأحباب
والاقي الدوا والاقي الطبيب
راضي بحب الناس
وكلي شوق وإحساس
بدور ع الصدق والإخلاص
والقسمة و النصيب
اوعى تبص على هدومي
لو تعرف قد ايه همومي
الحظ تملي ناسيني
وكلامي ع الجرح يطيب
سريح و بنادي
بصوت عالي
بيب بيب أنابيب
مهموم و حزين
ف الهم ليا سنين
يا دنيا واخداني لفين
لا صاحب ولا حبيب
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب