حزين حزن السنين
وبدموعى بكتب ع الورق
أكيد غضب من ربنا
لما الإيمان منا إتسرق
من شاف ياناس قبلنا
إنهيار .. قطر .. وغرق
هاتولى تفسير
من غير تبرير
ونفاق .. ومجاملة حد كبير
ولا إتهامات
ملهاش فى قاموسنا دليل
فيه خراب .. وفراق
ودماء بتسيل لأخويا .. وأخوك
وأبويا .. وأبوك
فى يوم حزين
ما طلع له شروق
سرقوا فيه فرحة بهية
ويومها الأبيض قوى
كساه السواد
وفى شهر جبر الخواطر
كل بيت بقا فيه حداد
ياسنين كئيبه كفى
لقمة العيش جلاد
وإحنا بشر مش حجر
ليه سايقه العناد
والحلم نشوف غير البكا
فى قلوب العباد
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب