يا قطر

أبوعدنان 

يا قطر الغلابة استنى

سيبني أفرح و أتهنى

فرحي كان يوم العيد

أبويا وأمي

خالي وعمي

عروستي لابسة فستان

الحزن فينا من زمان

والايد ف الايد

يا قطر الغلابة

دي ناس شقيانة

وم الهم مستوية

صاحبي كان معايا

بيردد غنايا

وكنا مستنين العيدية

وكنا فاكرينك

راح تقرب البعيد

رضينا ب الفقر

دوانا الصبر

ياللة افتحوا القبر

وادفنو الصعيد

يا قطر الغلابة استنى

سيبني أفرح و أتهنى

دا فرحي كان يوم العيد