علم قلبك أصل الحب وأحواله
ليه جاي عليه وانا عارفة ان الاشواق
واصلة له واصلة له
بتحب وتنكر وبتتكبر ليه
لو تقل وماله
لكن لو تعند على قلبى
يبقي تسيب قلبى في حاله
ليه بتعمل نفسك ناسي قلبى
وقادر تتحكم في مشاعرك
ومجرد مابشوفك جنبي
بنسى الدنيا واحس بحبك
بكره ضعفي اما بقابلك
قلبى ضعيف ادام قلبك
يعند وبيبعد واما يشاور
بسهولة أكون رايحة له
لو كنت بتعند علي قلبي
يبقي تسيب قلبي في حاله
انا بترجاك ترحمني
ايه ذنبي معاك تألمني
أسي وحبك عذبني
وهوايا معاك غيرنى
ومهما بتأسي بهواك
ولا افكر لحظة انساك
دايما بتمني رضاك
وقلبك دايما يظلمني
وعذابي بيحلي له
لو كنت بتعند علي قلبي
يبقي تسيب قلبي في حاله
وارجع اقولك من تاني
علم قلبك علشاني
ليه يتظاهر ينساني
وانا واثقة انه بيهواني
واثقة في حبك انا واكتر
بس انت اللي بتتكبر
ولا عمري بعندك افكر
انك يوم تبعد عني
وانا حلم هواك وخياله
لو كنت بتعند علي قلبي
يبقي تسيب قلبي في حاله
وحياه عمري اللي انا عشته
وحياه قلبي اللي جرحته
وحياه قلبك وغلاوته
انا عاشقة هواك وحلاوته
علي عهدي في حبك باقية
وبرضه لقلبك داعية له
بس بلاش تعند علي قلبي
وانا عارفة ان حالك حاله
اتعلم بس أصول الحب
خلينا ندوب في جماله
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب