بقلمى ميرفت أمين
سلم علي قلبي الموجوع
قوله خلاص ما في مني رجوع
صوت حبك مبقاش مسموع
وهسيبك في الدنيا لوحدك
واوعي تفكر اني ارجعلك
حبنا اصبح في الممنوع
وسلم علي قلبي الموجوع
سلم علي القلب المكسور
سيبه في ليل ميشوفش النور
وابني وعلي عليه السور
يمكن قلبك كدة مسرور
لما تسيبه يبات مقهور
كان ليه قلبك نادي لقلبي
لما انت قلبك مغرور
ابدا انا مش قابلة رجوع
سلم علي قلبي الموجوع
وسلم علي الوعد الكذاب
وعلي الكلام المتزوء
واقفل علي قلبي الابواب
وابعد وبلاش تتجرأ
انت وجودك لية عذاب
واحساسي لغدرك اصدق
ولا عاوزة اعرف ايه الاسباب
ولا راح اسأل واحقق
بس خلاص خلص الموضوع
وسلم علي قلبي الموجوع
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب