ليه أنت تشكي

خواطر أغاني الأسواني
الشريف_أحمدعبدالدايم

تشكي ليه من طبعه انت
وانت عارفه من زمان
وياما قلنا لك أنت
دة خاين ومالوش أمان

ياما قلنا لك نوادر
دة أنسان كذاب وغادر
ودايماً ابليسه حاضر
ليه تتبع انت الشيطان

علشان نظيفة طباعك
رايح مادد له باعك
في أقرب محطة وباعك
نسى اللي بينكم واللي كان

كام فيك عمل المقالب
معاه إيجابي يجيلك سالب
ما يتغير طبع الثعالب
ودايماً طبعه مكران

الغدر دا عنده غيّة
لا ضمير عنده لا نية
لو اشتراك الليلة ديّة
بكرة يبيعك بباكو لبان

كتير فصّلنا لك الحكاوي
أ تبعه لو كنت غاوي
دة زرع بدون تقاوي
تعيش دايماً معاه في حرمان
ليه انت تشكي

خواطر أغاني الأسواني
الشريف_أحمدعبدالدايم