((خلص العتاب))
خلص الكلام
وليه راح أبكي وأشتكي
أو إني أزود في الملام
وانا شكوتي منك وليكي
ودموعي تجري
ما بين ايديكي
بحلف كتير
وحلفتي انتي
بنور عينيكي
انه ولا يوم هتبيعيني
أو في مرة تجرحيني
او تهون نفسي عليكي
لكني هنت
وبعتي ودي
وانا اللي دايماً بشتريكي
باقي عليكي
واجري لحدك
زي طفل مابين ايديكي
برغي واحكي
يا نبض قلبي
ونيني عيني
مش لاقي عذر
لا قولتي ذنبي
ولا حتى عيبي
وأنا لهواكي
عمري ما اخبي
ده انتي
ناسي وكل أهلي
وكل حبي
خلص العتاب
قلبي من أوجاعه داب
سيبتيني اهاتي
لما قفلتي كل مخرج
وأي سكة وكل باب
حاسسني ليه منك بعيد؟؟
عايش في ظلمة أسير وحيد
ليه تبقي مني
وتحسسيني إني الغريب؟؟
خلص العتاب
كل سؤال روحت اسأله
ملهوش جواب
كل فرحة رسمتها
قلبت عذاب
وكل ضحكه وكل همسه
اتبدلت وكأن أيامنا اللي عدت
زي وهم و كان سراب
خلص العتاب
قلبي اتكسر
بعد ما وعدتيني باقية
ليه تغيبي ليه تضيعي
وليه فراقك يا حبيبتي
قسمتي ويكون نصيبي
هفضل على جبينك علامة
وجوا قلبك بصمة ثابتة من الندامة
وف عيونك دمعتي تفضل غيامة
بعد ما ف حقك خلص
كل الكلام كل الملام
وفارقتي روحي
من غير حساب ولا سلام
يبقى بكده
خلص العتاب
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب