قصة “شفرة يقين” بقلم نهى علي.. الحلقة الأولى

المكان / القاهرة
الزمان فى وقتنا الحالي
إكتب عندك
أمرنا نحن أمير عبد العاطى وكيل نيابه قصر النيل بحفظ القضية لعدم وجود أدلة كافية
أمير بنبرة شجينة جدا وخافتة :
مع الاسف ضد مجهول .
الطبيب النفسى مروان الذى كان فى منتصف العقد الرابع يتجه ناحية مكتب سكرتيرته سميحة الشابة التى إقتربت من العقد الثالث وفى نبرة أمره :
تحت أمرك يا دكتور مروان
مروان بنبرة جادة :
سميحة دى فولدرات الحالات إللى إنتهينا منها إحتفظى بيها فى ملف عندك زى إللى قبلهم
سميحة بهدوء :
أمرك يا دكتور عم فرغلى من فضلك عاوزة كوباية شاى عشان مضغوطة وعندنا حالات وكشف كتيرة .
رنين
أيو يا رياض معلش يا حبيبى هتأخر النهاردة ضغط شغل النهاردة هترجع بدرى من الشغل طب عدى هات يس من عند ماما ماشى مع السلامة .
سميحة بتساؤل وخوف :
إنت مين ؟؟ وهدومك مالها ماليانه ميه كدا شعرك مغطى ملامحك مش شايفاك إنت مين ؟
الصوت البعيد :
مش عارفانى يا سميحة .. أنا هى … أنااااااا قدامك شوفينى أدينى رفعت لك شعرى شفت ملامحى أناااااااااا
سميحة صارخة :
لأأأأأأأأ إبعدى عنى ……. لأأأأأأأأأأأأأأأأأأأأأأأأأأأأأ
رياض صائحا بتوتر :
سميحة مالك فى إيه ؟
سميحة باضطراب ونبرة مرتجفة فيها نبرة الدمع :
نفس الكابوس يا رياض .. كل يوم مش قادرة أتحمل مش قادرة أربع شهور أنام أشوف الكابوس دا حرام والله حرام .
سميحة تصرخ
رياض بنبرة أسى :
بس يا حبيبتى إهدى عشان خاطرى لازم نلاقى حل الموضوع كدا ميتسكتش عليه
سميحة بارتجافة :
أنا خايفة .. خليك جمبى إتصل بالعيادة وقول لعم فرغلى الساعى إنى مش هقدر أجى النهاردة
رياض بنبرة هوادة :
مينفعش يا سميحة دا شغلك وإنت أخدتى أكتر من تلات مرات الشهر دا أجازة لأحسن الدكتور يتضايق ومتنسيش إنك من أفضل الممرضات عنده ولا إيه الشغل مالوش دعوة بأمورنا الشخصية .
وهلى العموم حاضر .
رنين جرس الموبايل
رياض بنبرة هادئة :
السلام عليكم يا دكتور مروان معلش أسف على الإزعاج أنا رياض زوج سميحة الممرضة
مروان بنبرة سمجة :
أهلا وسهلا سميحة غيابها كتر يا إستاذ رياض وأنا مضطر أجيب حد بدالها دا للعلم
رياض بنبرة تلعثم خفيفة :
حقك طبعا بس هى أعصابها تعبانه قوى فى النازل
مروان بنفس السماجة :
تبقى تلحقها وتوديها مصحة نفسية تتعالج فيها بدل ما الحالة تتطور وتبقى خطر عليك وعلى إبنها وكل إللى حواليها أنا أقدر أساعدك وأديك عنوان مصحة كويسه وسعرها مناسب لحالتكم الماديه وفيها واحد من تلاميذتى
رياض فى نبرة شجن :
يظهر مفيش حل غير كدا يا دكتور من فضلك قولى إسم الدكتور وعنوان المصحة و…………
صوت صراخ سميحة
رياض بعجله :
معلش يا دكتور هقفل معاك سترك يارب
سميحة … سميحة
سميحة ببكاء وإرتجاف ورعب :
إفتحى الباب .. إنت مين عاوزة منى إيه ؟؟ إبعدى عنى حرام عليكم أنا معملتش ليكى حاجة
صوت المرأة وكأنه صدى بئر عميق :
حللى الشفرة .. الحق .. الشفرررة عندك
رياض صارخا :
سميحة مالك فوقى
سميحة ببكاء هستيرى وإرتجافة :
إنت كسرت الباب صح كانت هنا إللى بشوفها كانت هنا هنا
رياض بمرارة :
مفيش كسر الباب مفتوح يا سميحة مفتوح وكفايا بقا أوهام يظهر مفيش غير الحل إللى بتاع فتحى
سميحة فى هذيان وبكاء :
أنا مش مجنونة .. مش مجنونة .. مش مجنووووونه حرام عليكم
نهاية الحلقة الأولى يتبع …..