الحلقه الثانية من “شفرة يقين” بقلم نهى علي

رياض بمرارة صادقة :
دى الحكاية كلها يا دكتور أشرف لحد ما جت هنا عندكم المصحة .. مرة واحدة إتبدل حالها بالشكل دا دى كانت زى الفل مفيهاش أى حاجة
الدكتور أشرف بجدية وإهتمام :
يعنى مفيش أى حد فى عيلتها عنده تاريخ وراثى لمرض نفسى .. ومن كلامك واضح إنها فعلا إنسانه هادية وجميلة فى روحها .. والأغرب إنك بتأكدلى إن مفيش أى خلافات جوهريه تخليها تضغط نفسيا غير المشاكل العادية .. طب الحلم إللى جالها دا تفتكر من إمتى ؟
رياض مجيبا :
من أربع أشهر تقريبا بصورة يومية تفتكر هتخف يا دكتور ؟
الدكتور أشرف بهوادة :
إن شاء الله بس الأمور النفسية مش بالسهوله دى مش هنتعجل الأمور على العموم أنا بحاول معاها وعاوزاها تخرج عن حالة الصمت إللى جت لها ولو إتكلمت تكون بتصرخ وتقولها إبعدى عندى معنديش شفرة
شفرة إيه ؟
عصام بتساؤل :
أشرف مالك فى إيه ؟ إنت من ساعة ما قعدنا على السفرة ناكل وإنت فى ملكوت تانى مالك يا طبيب
أشرف ضاحكا :
مفيش يا نقيب على رأى نور الشريف فى الفيلم الدموع الساخنة بس دماغى مشغولة شويه
حاله غريبة عندى فى المصحة ومش لاقى لها تفسير بجد
عصام بهوادة :
متحاولش تفهم حاجات كتيرة عندى مثلا ياما قضايا غريبة وبتقفل لأن مالهاش مفتاح ولا حل
أشرف فى حيرة :
مش عارف يا عصام المريضة دى فيها حاجة غلط كلامها متحسوش إن واحدة مريضة دى بتوصف حاجة بتشوفها بقالها أربع شهور
حاسس إن فى حاجة مش طبيعيه
عصام مقترحا بجدية :
عشان ترتاح وتتأكد إنها مريضة خلى رسام يرسم الهلاوس إللى بتقولها وصدقنى أنا متأكد إنها هتطلع شخابيط
أشرف بتساؤل :
عندك رسام تعرفه
عصام مجيبا بهدوء :
عندى واحد صاحبى هكلمه وخد رقمه وتواصل معاه
أشرف بهدوء :
ماشى
رياض بهوادة وحب :
الدكتور أشرف أهو ومعاه رسام .. إحنا مصدقينك
قولى للرسام الأوصاف إللى بتشوفيها جايز نوصل لحل يا سميحة
سميحة بنبرة خفيضة باكية :
رياض أنا مش مجنونة والله العظيم
رياض بنبرة حانية :
يا حبيبتى إنت ست العاقلين ومتأكد إنك صادقه
يالا ركزى كدا وسم الله وإفتكرى
الدكتور أشرف بهدوء :
سميحة كأنك مش شايفانا خالص
خدى نفس عميق خمس مرات وركزى وقولى إللى شايفاه يالا
سميحة بنبرة خفيضة وإرتجافة
كنت الأول بشوف واحدة زى ما تكون لبسها مبلول وملامحها مش ظاهرة لحد مالاقيتها بتظهر لى لوحدى لابسه لبس أبيض وشعرها برضوا الميه بتنقط منه وملامح مخيفه عيونها مالهاش لون وبتقولى الشفرة الحق ولابسه حوالين صوباع رجليها الصغير رجليها اليمين سلسله ملفوفة فيها رقم
أشرف بتساؤل
فاكرة الرقم
دا
سميحة ببكاء مكتوم :
أه … أه
أشرف بنبرة تساؤل وجدية :
عصام بما إنك وكيل نيابه عاوز أوريك الصورة إللى المريضة قالت عليها والرسام صاحبك رسمها الملامح عاديه بس الأعجب السلسله إللى قالت مربوطة فى صوباع رجليها
هى فى سلسلة بتتربط فى الرجل
عصام بجدية :
ورينى الصورة
أشرف بفضول وعجلة :
شايف إيه ؟
عصام بجدية :
الموضوع أكبر من مجرد خزعبلات وهلاوس مريضة يا أشرف
السلسله دى مش بتحط إلا فى قدم الجثث داخل المشرحة السلسلة عليها رقم والرقم دا بدايه اللغز أو حل للغز
الموضوع كدا غامض ومخيف
هات الصورة وأنا هتصرف
وإذا وصلت لشىء هقولك .
نقلة موسيقية
سميحة بتساؤل وخفوت :
عاوزة منى إيه ؟؟ إنت بتظهرى ليا ليه ؟؟ خليتنى فى نظر الناس مجنونه ومحبوسه فى مصحة نفسيه ..
وفى بكاء :
إبنى وحشنى ومش قادرة أشوفك إنت مين ؟
صوت امرأة :
الحق .. الشفرة .. تقى .. البحث البحثثثث
سميحة نبكى بصوت عال :
بحث إيه ؟؟
بحث
سميحة صائحة بنبرة عاليه وهى تخبط على الباب :
إفتحوا الباب … إفتحوا الباب عاوزة أخرج عاوزة الدكتور أشرف عاوزة أخرج سيبونى … سيبونى
نهايه الحلقه الثانية يتبع ………..