نسرين رمزي تكتب .. من المسؤول عن وفاة أحمد رفعت

هو ماينفعش نجيب حق الناس وهى عايشه لازم الحق يرجع لهم وهما حفنة تراب بعد مااتقهروا وقهروا اهاليهم عليهم .
اللاعب احمد رفعت الله يرحمه ويعوض شبابه فى الجنة ويصبر والدته واسرته واصحابه ..
فى كم واحد فى كم مجال زيه مظلومين ومستغلين من قبل الفاسدين
فى كم واحد فاسد ومستغل زى اللى ظلمه فى كذا مجال وماستكفاش بظلم الناس الموهوبه والناجحه وركنها
و نصف وميز اصحاب المصالح معاه.
المشكله مش فى الفاسدين بجد المشكله فالشيطان الاخرس اللى بيتفرج على الظالم والمظلوم وفاكر ان الدور مش هيجى عليه لكن للاسف الدور بيجى على الكل
وبعد ماالمظلوم يتقهر ويموت ولا يمرض
نقول هنجيب حقه وشويه والموجه تنقل على حاجه تانية تلهينا
ماكفايه فساد ماكفايه بجد دا الارض والسماء والطقس والجو والعيشة واللى عيشينها والكون حوالينا بقت رحته ارف وظلم وكأبه وفجر فى كل حاجه وان كان عاجبك
كفاية خليها تنظف بئا ريحة الفساد والظلم خرمت الاوزون وخرمت المنطق
كل اجهزة الدولة بلا استثناء بلا استثناء بلا استثناء عاوزة عمره اخلاق ورقابةومهنية ولو فى جهاز رقابى واحد مستثنى كان حال الباقى اتصلح فى الباقى ..
انا مانمتش من الحزن عليه رغم انى معرفوش شخصيا
وأعوذ بك من قهر الرجال
يا الله
تحياتى للاعلامى المتميز والجرئ إبراهيم فايق على حلقة امس .