النفاق حاليا أصبح سمة العصر وأصبح موضة مثل قصة الشعر الجديدة عند الكوافير. ومثل الموضة الجديدة في اللبس، مع أني إية المنافق ثلاث / إذا حدث كذب / إذا وعد إخلف / إذا إوتمن خان صدق رسول الله صلي الله عليه وسلم.
ليه يا بشر النفاق ما تنفقش علشان أي حد في الدنيا، عايز تجامل حد جامله في حدود المعقول، بس بلاش تكدب وتنافقه، الرسول صلي الله عليه وسلم أتاح الكذب في حالات معينة لو بتصالح اتنيين متخاصمين ما تجيش تقول دا شتم عليك وعاب فيك وقال فيك وعليك لما تكون بتصالح زوج وزوجة نفس الكلام بتقول الصالح بس علشان تصالح بينهم، الزوج لو زوجته عملت أكلة ما عجبتهوش ممكن في الحالة دي علشان ما يحرجهاش يقولها تسلم إيدك يا حبيبتي لأنها تعبت علشانه متاح إنه يكدب عليها في الحالة، دي من باب المجاملة وجبر الخاطر غير الحالات دي ،الكدب نفاق ودلوقتي في زمننا دا ليه بقول النفاق بقي سمة العصر لاني حاليا صديقة بتجامل صديقتها في الغلط دي مش مجاملة دا نفاق لو هي مثلا لابسة لبس ملفط وخليع ليه تكدبي عليها وتقوللها تحفة جميل عليكي انتي قمر في أي حاجة بتلبسيها انتي كدا بتضلليلها مش بتفيدها وكمان بتشيلي زنوب لأنك كدبتي ونفاقتي وما قولتيش الحقيقة.
حرام عليكي في الحالة دي قولها الحقيقة وهي حرة قبلت الكلام أوك، ما قبلتش أنتي عملتي اللي عليكي ونصحتيها لوجه الله عز وجل، ولما تكون ليكي صديقة بتخون زوجها من وراء ضهره انصحيها لوجه الله، ترضي على اخوكي كدا أن مراته تقابل راجل تاني من وراء أخوكي، أتقي الله علشان ربنا يكرمك ولو ما قبلتش النصيحة أقطعي علاقتك فورا بيها لأنك بالشكل دا بتشاركي معاها في معصية.
وأنت كمان في شغلك بلاش تنافق رئيسك علشان خاطر ترقية أو مكافئة قولها الحقيقة في وشه ممكن يحترمك أكتر في الحالة دي، لو أنت شايف بيعمل حاجة مش صح أو مش مراعي ضميره في عمله، أنصحه لوجه الله وبما يرضي الله ولا يهمك من حد غير اللي خالقك اللي ربنا كتبهولك هيكون وعلى نواياكم ترزقون صح ولا غلط إنما الأعمال بالنيات ولكل أمرؤ ما نوي، ربنا بيعاملنا بنوايانا مش بصورنا ولا أشكالنا أتعامل بما يرضي الله ورسوله بلاش تكلف وتصنع بلاش تكبر على مخاليق ربنا من تواضع لله رفعه.
ربنا رب قلوب صدقوني الوصول لرضا رب العباد سهل أوي أفضل ما تراضي أبنك أو بنتك أو مراتك راضي رب العباد وراضاه سهل أوي بتأدية الفروض الخمسة، بالتصدق بالتبسم في وجه أخيك دا برده صدقة بالخير اللي بنعمله وربنا مطلع عليه وشاهد بلاش تنافقوا وبلاش تكدبوا وبلاش تتظاهروا بعكس حقيقتكم ربنا يكرمنا وإياكم أجمعين يارب العالمين.

More Stories
الرائد أحمد فريد عبد الخالق.. حضور أمني يجمع بين الحزم والإنسانية داخل مركز شرطة تلا
يوم اليتيم بآداب المنوفية… احتفالية إنسانية بروح العيد ترسم البهجة في قلوب الأطفال
مروة أبوسالم حين تتحول الإنسانية إلى رسالة والإعلام إلى نور يصنع الأمل